En caso de ser seleccionado para participar a través de mostra de sangue:
1. Cada participante recibirá por SMS unha invitación cunha ligazón para acceder a este portal onde se atopa toda a información relevante sobre a participación en Xenoma Galicia,así como un teléfono de contacto para resolver todas as dúbidas.
2. Deberá ler detidamente un breve cuestionario sobre saúde e dous documentos de consentimento informado (un para o cribado xenético e outro para doar as súas mostras ao biobanco Xenoma Galicia), pode aclarar todas as súas dúbidas no teléfono de atención proporcionado.
CUESTIONARIO PARTICIPANTE
CONSENTIMIENTO INFORMADO
CONSENTIMIENTO PARA BIOBANCO
3. Se decide participar, deberá marcar unha cita no seu hospital de referencia para realizarse unha extracción de sangue.
4. O día da extracción de sangue debera acudir en xaxún, entregarnos os consentimentos informados asinados , así como o cuestionario sobre saúde e estilos de vida cuberto.
Se esquece traer a documentación asinada, proporcionaráselle no momento e poderá resolver as súas dúbidas co persoal de enfermería colaborador do proxecto, encargado de realizar a extracción de sangue.
Para participar no proxecto deberá solicitar unha cita para a extracción de sangue a través das aplicacións do Servizo Galego de Saúde:
- Dende un smartphone utilizando a app Sergas Móbil
- No apartado de
Citas, deberá premer no botón (+) para solicitar a súa cita e seleccionar a opción "Campañas De Promoción Da Saúde Vacinación , Cribados, …)".
- Só os participantes invitados terán dispoñible unha campaña chamada "Xenoma Galicia - Mostra Sangue".